En Raoteburg goht d´Fasnet laos

En Raoteburg goht d´Fasnet laos
ond älle gend em G´wand
D´Leut hopset aus de Häuser raus
Send außer Rand ond Band

D´Märktgass´ ruff konnt au schao d´ LGZ
Send am ”Schmotzige” no net komplett
mit Rätätä..
Rätätä.. Morge´ hend ´se Schädelweh
Schao vo weit haört ma an ”Gotteskrach”
´S isch dr Spielmannszug vo-r Bürgerwach
Dr ”Tiger” voane-draus
aus seim Hoan loht´r grad d´Spucke naus

Refrain: En Raoteburg goht d´Fasnet laos....

Sonntigs führt´ r de Narrezug a´
dr Alfons Utteweiler– a g´stand´ner Ma´
Mit über achtzig Johr–
vo´ dr Fasnet macht deam koaner ebbes vor
Dr Franz Held ond sei´ Drehorgel-Grupp´
deant am Schultes an g´hörige Duck
senget Schand-Tate´ naus
ond kassieret an Jeeses-Applaus

Refrain: En Raoteburg goht d´Fasnet laos...

Aous´re Mohre´ send äll Johr dabei
dr Hofnarr schlupft en sei Negerhäs nei
Uff sei´re Quetschkommod´
spielt ´r Liader, do isch älles z´spot
Ond dia Gluzger dia hauet heit nei
Mancher To´ grotte´falsch isch dabei
Am ”Kurrle” egal
Fasnet konnt über´s Johr bloß oimohl

Refrain: En Raoteburg goht d´Fasnet laos

Aber´s Best´isch doch d´Kapelle Wütz
Bloß vom Feinste´ en Musik ond Witz
Em Falke bei Nacht
Spielt dr ”Wolfi” mit dr Deifelsgeig´ daß´s kracht
Wenn dr ”Dieter” ond dr ”Gummi” ihre Ziehorg´le drucket,
steigt dia Stimmong wia no nie
Dr Duscht wuud so graoß
Ond dia Hoffnung ´s geit iatz endlich oar oan aus

Refrain: En Raoteburg goht d´Fasnet laos...