Raoteburger Moscht

Es isch schao waidaged Nacht gsai, wo i vo dr Turnhall rauskomme be.
I hao z´viel danzet ond au z’viel Sekt verwischt, jetzt war i he
ond en dr frischa Luft do schlecht’s mi z’escht mol nai.
Mei Auto haone nemme g’fonda, ‘s isch au so besser gwea.
Drom gang i z’Fuaß, i komm am Dom vorbei, was muaß i sea?
Da Joosebeck hot ja no offa, nix wia nai!

Refrain:
Raoteburger Moscht, schmeckt ond treibt da Schtaob vom Fidle!
Raoteburger Moscht den kasch saufe, den kasch kübla!
Des isch a Gsöff! Koa Wei‘, koa Bier, sait jeder Ma, ka do dra na!
Raoteburger Moscht, vo dem komschd direkt en Hemmel!
Raoteburger Moscht, noch faif Liter hoschd an Tremmel!
Moscht hot Alkohol. Aber der wirkt langsam, gell do glotscht, bis da kotzscht!

I friß paar Brezla, so kommt uff z’mol da Otto Joos zo mir:
“Faif Liter Moscht, des macht zwanz’g Mark, i glaob iatzt langet’s dir!”
I soll iatzt hoam, er macht do henne reine Tisch.
I schlupf’ en Mantl ond flieag zur Tür naus, knapp am Dom vorbei
no d’Märktgass’ na, uff d’Mittler Bruck, do schleegt’s grad’ halbedrei.
I bet’ zom Ulrich, ond no futter i d’Fisch.

Refrain:
Raoteburger Moscht...

Mir war’s wied’ wohl, gang voll hoam, pfeif’ a Liead,
mach mai Haustür uff a Schtück,
Do schtoht mai Alte ond schlecht mir’s Wellholz saumässig en’s Gnick:
“Du wiaschte Sau, du brengst aos no om Hab ond Guat!”
Am andra Morga han i an Kopf wia an Semmreskratte g’het.
Äll’s tuat mer wai! Da Kaffee, “blaaarrr!”. Mir isch ganz bleed.
I gang en Keller zo mei’m Moscht ond füll’ da Kruag.

Refrain:
Raoteburger Moscht...