s’isch Fasnet

An Dreikönig isch soweit,
do goht se a dia Fasnetszeit.
No hend älle Narre
ihren Sparre!
D’Hexe staubet wieder a,
daß dia Fasnet kracha ka.
Iatz goht’s wied dagega,
Iatz goht’s laos!

Refrain:
s’ isch Fasnet, s’ isch Fasnet, ond iatz isch halt so!
Bei aos hoaßt’s iatz nao no: NARRI ond NARRO!
Für aos isch dia Fasnet es scheegscht uff der Welt,
do derfe mir dao was aos gfällt!

Hexataaz om’s Fuir rom,
der Teufel keit da Kübel om,
D’Ahalnd mit de Schelle
kommet älle.
Hauet mit de Blodre zue,
D’Hexe gend am Teufel zue.
Iatz isch wieder Fasnet,
Des isch schee!

Refrain: s’ isch Fasnet...

Der Naarerot em raote Frack,
Ahlande ond Hexepack,
d’Gräfin mit de Grafe
ond de Page
sprnget wied em Städtle rom,
D’Fasnet treibt de Flecka om,
iatz isch wieder Fasnet,
des isch schee!

Refrain: s’ isch Fasnet...